СДСМ губи контакт со реалноста. Тие повеќе не се ни слушаат што говорат.
Лицемерно и безобразно е СДСМ да говори за минималната плата. СДСМ цели 15 години беше на власт и не донесе закон за минимална плата. Кога работниците преку синдикатите бараа по 6.000 денари загарантирана плата, владата на СДСМ ги одби. Дури и ги навредуваше, нивниот министер Стевчо Јакимовски изјавуваше дека се заштитени како “мечки од планина”.
За разлика од ова владата на ВМРО-ДПМНЕ донесе закон за минимална плата во висина од 8.050 денари.
Што се однесува до текстилните фабрики, тука Црвенковски е вистински рекордер. Тој во времето на неговата приватизација ги уништи буквално сите поголеми текстилни фабрики.
Во време на СДСМ се затворија следниве текстилни фабрики:
- Готекс од Гостивар
- АД Илинденка Крушево
- кожарски комбинат Годел
- фабрика за синтетички влакна Хемтекс
- Стококоп
- Мирка Гинова
- Битолатекс
- Фротирка од Делчево
- Астибо Штип
- Битолска предилница
- Трикотажа Битола
- Кожара Гоце Делчев
- Политекс од Прилеп
- Билјана од Прилеп
- Нокатекс од Велес
- Кожара
- Свилара, Битола
- фабрика за текстил Карпош, Крива Паланка
- Единство, Струмица
- Преспатекс
- Македонски фолклор итн, итн, итн
За разлика од нив, Владата предводена од ВМРО-ДПМНЕ го намали персоналниот данок на 10% со што државава има најнизок рамен данок во цела Европа.
Владата предводена од ВМРО-ДПМНЕ донесе одлука за намалување и на повеќе други даноци со што ја олесни и подобри деловната клима за повеќе текстилни фирми и други претпријатија.
Владата донесе одлука и за намалување на социјалните придонеси за 10%, односно од 32% на 22%.
Донесена е програма за поддршка на текстилната индустрија со предвидени над 5 милиони денари, како поддршка за текстилната индустрија.
Следниот пат кога СДСМ ќе излезат на прес конференција добро нека ги проверат фактите и податоците и нека не зборат на памет. Очигледно е дека СДСМ забегува.
