05 March 2011

Во Битола се одржува 14-ти конгрес на ВМРО-ДПМНЕ

„Вистината секогаш победува“ е мотото на 14. Конгрес на ВМРО-ДПМНЕ што денеска и утре во присуство на 617 делегати се одржува во Битола.

- Да се зборува вистината е нова политичка филозофија која не се вклопува во старата политичка матрица, истакна лидерот на ВМРО-ДПМНЕ Никола Груевски обраќајќи се пред присутните делегати и бројни гости на Конгресот притоа нагласувајќи дека сепак се покажало оти тоа е исправна политика.

- Мојата филозофија на работење, додаде Груевски, е турбо од првиот ден на владеење, а не шест месеци пред избори. Чесно и одговорно работење во тоа е нашата сила, истакна лидерот на ВМРО-ДПМНЕ порачувајќи дека партијата треба да остане доследна на она што го зацртала.