Јаревски: Стравот и паниката на Бихачка од ден на ден е се поголема

„Стравот и паниката на Бихачка од ден на ден е се поголема, знаејќи дека на изборите кои треба да се одржат на 12 април ги очекува најголемиот пораз во историјата на Независна Република Македонија прават се за да избегаат од изборите. Овој пат тоа го прават со уцени за Законот за Јавно обвинителство, кој им е единствено гранче за спас. Да бидеме реални, да сакавте да го донесете тој Закон доследно, како што доликува одамна ќе формирате посебен тим на професионалци кој ќе работи на тој Закон, а вака само докажувате дека се е само обична манипулација за да избегате од избори“, напиша Претседателот на ВМРО - ДПМНЕ ОК Карпош, Тони Јаревски.

По предлог на советничката група на ВМРО ДПМНЕ во Општина Карпош четвртоодделенците ќе добијат продолжен престој

Учениците кои од оваа учебна година ќе бидат четврто одделение, ќе добијат продолжен престој до 17:00 часот. Оваа одлука, едногласно беше прифатена од сите членови на Советот на Општина Карпош, по претходно спроведена анализа и консултации со родителите, а на предлог на координаторот на Советничката група на ВМРО-ДПМНЕ и актуелен Претседател на ВМРО-ДПМНЕ - ОК Карпош, Тони Јаревски.

Како што образложи градоначалникот на Општина Карпош Стефан Богоев, по консултација со стручните служби на Општината, како и по направена анкета со родителите,  овие наставници ќе бидат ангажирани за дополнителна настава, односно т.н  „целодневна“  настава кај четвртооодделенците. Трошоците за  дополнителниот ангажман на наставниците ќе бидат обезбедени од буџетот на локалната самоуправа, соопштија од Општина Карпош.

Како ВМРО-ДПМНЕ - ОК Карпош секогаш ќе продолжиме со напорите за изнаоѓање на издржлива форма и начин за изведување на целодневната и за учениците од 5-то одделение и секогаш ќе работиме во интерес на граѓаните.

(ФОТО + ВИДЕО) Јаревски: ВМРО ДПМНЕ - OK Карпош е со целосна поддршка на жителите на Трнодол, Жданец и Козле кои се револтирани од новиот предлог Детален урбанистички план

Членови на Општинскиот Комитет на ВМРО-ДПМНЕ - ОК Карпош денеска преку прес конференција заедно со претседателот Тони Јаревски му порачаа на Стефан Богоев и Општина Карпош дека ќе застанат на страната на жителите на Трнодол, Жданец и Козле кои се револтирани од новиот предлог детален урбанистички план.

„Измина цела недела исполнета со немир, конфузија и страв на жителите од Трнодол и Жданец како последица на иницијативата на Богоев и СДС за нов Детален урбанистички план за овој дел од Карпош“ ова денеска на прес-конференција го истакна претседателот на ВМРО-ДПМНЕ - ОК Карпош, Тони Јаревски.