Предновогодишна забава

УМС на ВМРО-ДПМНЕ - ОК Карпош денес со почеток од 21:30 часот Ве поканува на традиционалната предновогодишна забава во кафе „Флуид“ во ТЦ Лептокарија.

Се гледаме таму!

Меѓу граѓаните во Влае 2 и Долно Нерези

Заменик Министерот за Локална Самоуправа на Република Македонија и Претседател на ОК на ВМРО-ДПМНЕ - Карпош, Сашо Лазаровски во текот на денешниот ден оствари средба со граѓаните на Влае и Долно Нерези. Тој и денес непосредно ги слушна проблемите на жителите на овие урбани заедници и вети дека ќе се обиде сето она што е ингеренција на Владата да го пренесе на Владина седница, но и она што е ингеренција на Градот Скопје до Градоначалникот Трајановски.

Средбите од овој вид ќе продолжат и во следните викенди, се со цел излегување во пресред на граѓаните и на нивните потреби.
За да видите дел од сликите од денешната посета кликнете на следниот ЛИНК!

УМС Карпош - баскет турнир

УМС на ВМРО-ДПМНЕ - ОК Карпош во текот на денешниот ден организираше натпревар во кошарка на која учествуваа 33 екипи од по 3 члена. Огромната заинтересираност за учество во турнирот покажа и докажа дека Унијата на Млади Сили од ОК Карпош обединува огромен број на млади луѓе за кои спортот и здравиот начин на живеење се приоритет!

За да видите дел од атмосферата кликнете на следниот ЛИНК!

Известување

Советниците од редовите на ВМРО-ДПМНЕ од Општина Карпош предводени од Претседателот на Општинскиот Комитет и заменик Министер за Локална Самоуправа, господинот Сашо Лазаровски продолжуваат со средбите меѓу граѓаните.

Во Недела (11.12.2011) ќе се одржат средби со:

• жителите на Порта Влае (бул. Партизански Одреди бр. 155 и зграда бул. Ѓорче Петров бр. 1) со почеток од 12 часот пред аптеката „Зегин“;
• жителите од Долно Нерези (бул. Партизански Одреди бр. 147 и 149) - воените кули, со почеток од 13 часот на просторот пред кулите.

Турнир во баскет

УМС на ВМРО-ДПМНЕ ОК Карпош организира турнир во баскет. Турнирот ќе се одржи во малата сала на Спортски Центар Борис Трајковски на ден 11.12.2011 (недела) со почеток од 10 часот. Сите заинтересирани за учество, можат да пратат тимови (од 3 члена) со контакт телефон на меилот ums.ok.karpos@gmail.com

ОК Карпош не запира со активностите

Општинскиот Комитет на ВМРО-ДПМНЕ - Карпош и во текот на денешниот ден ги оствари своите најавени средби со граѓаните на територијата на месната заедница Кузман Јозифовски Питу (Козле), каде што заменик Министерот за Локална Самоуправа и Претседател на ОК на ВМРО-ДПМНЕ - Карпош и советниците од редовите на ВМРО-ДПМНЕ во Општина Карпош ги слушнаа проблемите на жителите од кулите спроти поранешната фабрика Алумина. СЛИКИ>>>

Потоа господинот Лазаровски и директорот на ЈП Водовод и канализација и член на ОК Карпош Тони Јаревски заедно со Премиерот на Република Македонија и Претседател на ВМРО-ДПМНЕ Никола Груевски и градоначалникот на Град Скопје Коце Трајановски поставија камен темелник на новата управна зграда на ЈП Водовод и канализација, која ќе плени со својот лик и со фактот дека ќе биде објект со три нивоа на подземни гаражи. СЛИКИ>>>

Меѓу граѓаните во Карпош 3

Денес заменик Министерот за Локална Самоуправа и Претседател на ОК на ВМРО-ДПМНЕ - Карпош Сашо Лазаровски, придружуван од советниците од редовите на ВМРО-ДПМНЕ во Општина Карпош оствари средба со граѓаните во месната заедница Карпош 3. На средбата помеѓу граѓаните заменик Министерот и советниците успеаа да слушнат дел од проблемите на жителите на Карпош 3 но и да покажат дека тие не се меѓу граѓаните само за време на изборите туку дека се постојано достапни за нив.

Овие средби продолжуваа во натамошниот период, покажувајќи дека како членовите на локалната така и членовите на централната власт од редовите на ВМРО-ДПМНЕ се постојано достапни за проблемите на граѓаните.

За да видите повеќе слики од оваа средба кликнете на следниот ЛИНК!

ВМРО-ДПМНЕ меѓу граѓаните!

Советниците од редовите на ВМРО-ДПМНЕ од Општина Карпош предводени од Претседателот на Општинскиот Комитет и заменик Министер за Локална Самоуправа, господинот Сашо Лазаровски започнуваат со серија средби меѓу граѓаните.

Сега кога нема избори, тука сме да разговараме и да ги слушнеме Вашите идеи, потреби и проблеми.

Со средбите започнуваме овој викенд и тоа:

• со жителите на „романските“ кули во близина на Тинекс маркет во урбаната заедница Карпош 3 во Сабота (03.12.2011) во 12 часот (на просторот помеѓу кулите, кај фонтаната);
• со жителите на кулите во близина на поранешната фабрика Алумина во урбаната заедница Кузман Јосифовски Питу во Недела (04.12.2011) во 11 часот (на просторот помеѓу кулите).