ЗА МНОГУ ГОДИНИ

На денешен ден во 1893 година шест млади луѓе на неформален состанок одржан во Солун се договорија а оформат организација која ќе се бори за ослободување на Македонија од туѓото ропство и формирање независна и суверена Македонска држава. Ни тие самите не можеа да претпостават која ќе биде улогата на оваа организација за историјата на Македонија.
Денес ние го славиме овој празник како празник на Македонската борба, празник на идеалите на Македонците, празник на слободата, празник на ВМРО.
За многу години! Да ни е вечна и слободна Македонија!

70 години 11 Октомври

Денес Македонија прославува 70 години од кревањето на востание на Македонскиот народ против својот фашистички поробувач. Колку и некој да сака да го прикаже тоа востание како самостојно дело на комунистичката партија, реалноста говори дека тоа е востание на Македонскиот народ, кој се бори за своја национална слобода, правото на говорење на својот мајчин Македонски јазик и право на своја независност. Општинскиот Комитет на ВМРО-ДПМНЕ - Карпош на сите вас Ви го честита овој светол Македонски празник и посакува идеалите на нашите претци да Ви бидат вечен патоказ во вашите животи.

Годишно собрание на УЖ на ВМРО-ДПМНЕ - ОК Карпош

Унијата на жени на ВМРО-ДПМНЕ - Општински Комитет КАРПОШ Ве поканува на своето годишно собрание кое ќе се одржи на 07.10.2011 (петок) со почеток од 20 часот во Драмскиот театар.
Со почит,
Даниела Штерјова
Претседател на УЖ на ВМРО-ДПМНЕ - ОК Карпош

Отворање на вештачката карпа на кејот на реката Вардар

Во текот на вчерашниот ден Премиерот на Република Македонија, господинот Никола Груевски ја пушти во употреба најголемата вештачка карпа на Балканот и двојно тениско игралиште. Карпата и тениското игралиште се наоѓаат веднаш до досегашниот скејт парк на самиот кеј на реката Вардар на територијата на Општина Карпош. Со ова Владата на Република Македонија уште еднаш покажа дека инвестициите кои ги прави во областа на спортот и рекреацијата на територијата на Општина Карпош се едни од најголемите во државата, имајќи во предвид дека на територија на Општина Карпош се наоѓа и спортскиот центар „Борис Трајковски“.

За повеќе фотографии кликнете на следниот ЛИНК!